Sorpreses arquitectóniques

N´Ast: Delles vegaes, va ún a pueblos llonxanos a la gueta d´arquitectures populares interesantes y alcuéntrase con sorpreses. Un bon exemplu, Salarzón, nun requexu escaecíu de Liébana, onde caemos de casualidá esperando alcontrar un caseríu señaláu y lo qu´atopamos ye una guapa y gran ilesia de fechura neoclásica (entamos del sieglu XIX) que nun solemos asociar a pequeñes aldeínes como ésta y ya quisieren pa si poblaciones de más sonadía. Dempués d´esfrutar d´ella y dalguna casona-palacio, colamos cola llección bien deprendía: les idees preconcebíes son males conseyeres; adicar y dempués, xulgar. Asina, nunca nun dexaremos ná prestoso atrás.

En Cast: Algunas veces, uno va a pueblos remotos a la búsqueda de arquitecturas populares interesantes y se encuentra con sorpresas. Un buen ejemplo, Salarzón, en una tierra olvidada de Liébana, donde caemos de casualidad esperando encontrar un caserío destacable y lo que nos tropezamos es una bonita y gran iglesia de factura neoclásica (inicios del siglo XIX) que no solemos asociar a pequeñas aldeítas como ésta y ya quisieran para si poblaciones de más renombre. Después de disfrutar de ella y alguna casona-palacio, nos vamos con la lección bien aprendida: las ideas preconcebidas son malas consejeras; observar y después juzgar. Así, nunca dejaremos nada interesante atrás.

La España

N´Ast: Nome d´un ríu y una playa (na imaxen) del conceyu La Villa. Cuando tenemos visita de dalgunos collacios y damos un voléu pola fastera, a toos lláma-yos l´atención esti par de topónimos polo que tienen d´amor patriu. Ye cuando hai qu´esplica-yos que non, que nun ye un homenaxe a la nación española, si non unos derivaos del verbu asturianu ESPAÑAR (=arreventar, romper), lo que llévanos a atalantar que la sabiduría popular aplicó estes denominaciones pol efectu que faese al chocar les agües, tantu continentales como marines, coles peñes del sablón. Polo tantu, llingua asturiana pura y dura, ná que ver cola Patria Grande o los ésitos de La Roxa.
En Cast: Nombre de un río y una playa (en la imagen) del concejo de La Villa/Villaviciosa. Cuando tenemos visita de algunos amigos y damos un paseo por la zona, a todos les llama la atención este par de topónimos por lo que tienen de amor patrio. Es cuando hay que explicarles que no, que no es un homenaje a la nación española, si no unos derivados del verbo asturiano ESPAÑAR (=reventar, romper, explotar), lo que nos lleva a pensar que la sabiduría popular aplicó estas denominaciones por el efecto que se produce al chocar las aguas, tanto continentales como marinas, con las rocas del arenal. Por lo tanto, lengua asturiana pura y dura, nada que ver con la Patria Grande o los éxitos de La Roja.

Les propiedaes de La Mar

N´Ast: Dalgunos almiraron la baxamar y otros conformámonos cola pleamar. El puxu la lluna enllena d´esti dí (solo cada 19 años hai una igual) fizo que la marea subiere un pocu más de lo normal. El porréu d´El Cierrón, ya de por si más inundáu qu´años atrás, paecía la mesma canal de la ría La Villa y solo se distinguíen les llendes poles fileres de tamariscos qu´aguanten como puen les cada vegada más toyíes muries d´aparamientu. La Mar reclama lo que yera de so y los que moren na tierra nagüen por qu´estes mareones nun coincidan con lluvia abonda.
En Cast: Algunos admiraron la bajamar y otros nos conformamos con la pleamar. La fuerza de la luna llena de este día (solo cada 19 años ocurre una igual) hizo que la marea subiese un poco más de lo normal. El “porréu” (terreno cerrado por diques y ganado al mar) de El Cierrón, ya de por si más inundado que años atrás, parecía la misma canal de la ría de La Villa/Villaviciosa y solo se distinguían sus límites por la hileras de tamariscos que aguantan como pueden los cada vez más deteriorados muros de contención. La Mar reclama lo que era suyo y los que viven en tierra esperan ansiosos que estas “mareonas” no coincidan con grandes lluvias.

L´arreblagu (La zancada)

N´Ast: El bon collaciu Gonzalo Alonso fala nel so bárbaru blogue del cantu´l Coriscao y lo qu´hai d´arrebalgar pa devolalu. Pues bonu: equí ta l´amuesa gráfica de “l´azaña”. Estos cantos son un auténticu peligru na nieve, como vese na semeya del que fórmase na lladera Este del picu: si con borrín baxa ún ensin saber onde pisa pue aparecer metros más abaxu, n´Espinama por exemplu, que veíase perguapo no fondero´l valle. ¿Por qué a pesar del riesgu facemos estes carrilonaes?, la tercer semeya desplícalo meyor qu´un cientu pallabres: güeyar y gozar (¡home!, el solín ayuda)
En Cast: El buen amigo Gonzalo Alonso habla en su estupendo blog de la cornisa del Coriscao y lo que hay que subir las piernas para pasar al otro lado. Pues bien: aquí está el testimonio gráfico de “la azaña”. Estas cornisas son un auténtico peligro en la nieve, como se ve en la fotografía de la que se forma en la ladera Este del pico: si con niebla baja uno sin saber donde pisa puede aparecer metros más abajo, en Espinama por ejemplo, que se veía muy bonito en el fondo del valle. ¿Por qué a pesar del riesgo hacemos estas caminatas?, la tercera foto lo explica mejor que un ciento de palabras: mirar y disfutar (¡hombre!, el solín ayuda)

A mal tiempu... bona Naturaleza

N´Ast: L´home´l tiempu da lluvia: nun pasa ná. Aportamos a l´entamu y hai borrina: da lo mesmo. Caminamos y esfrutamos, pero non de les grandes coses alloñaes si non de les pequeñes, de les averaes al pie: paparraxos y anfibios, que deprendemos de los Maestros encamentaos equí al llau, ya encluso de les caprichoses gotes d´agua enriba una fueya muerta. Nun importa´l mal tiempu, el casu ye tastiar otru dí más la nuesa perguapa Naturaleza, la grande y la pequeña.
En Cast: El hombre del tiempo da lluvia: no pasa nada. Llegamos al comienzo y hay niebla: da lo mismo. Caminamos y disfrutamos, pero no de las grandes cosas alejadas si no de las pequeñas, de las cercanas al pie: insectos y anfibios, que aprendemos de los Maestros recomendados al lado, e incluso de las caprichosas gotas de agua sobre una hoja muerta. No importa el mal tiempo, el caso es saborear otro día más nuestra hermosa Naturaleza, la grande y la pequeña.

Precaución, collaciu (=amigo) conductor

N´Ast: Nun ye que nos pongamos a favor de la moda de les torgues automovilístiques actuales, cenciellamente reclamamos prudencia n´otru sintíu. Atalantamos que´l facer en bici una de les rutes más guapes de los Picos d´Europa, la del Cares, ye peratractivu, pero tien d´emponese´l xacíu: nun ye lo más afayadizo pa un camín estrenchu y aeriu percorríu por cientos de senderistas (la semeya ye d´un domingo), poniendo en peligru a caminantes y a los propios ciclistas. Equí gústanos la llibertá y lloñe ta l´amagu de dicir a nadie lo que tien de facer, solo queremos que la xente cavilgue un pocu nos demás, nel respetu. Nos Picos entramos toos y hai otres siendes pa esfrutar d´ellos sobre dos ruedes ensin riesgu dengunu.
En Cast: No es que nos pongamos a favor de la moda de las prohibiciones automovilísticas actuales, sencillamente reclamamos prudencia en otro sentido. Entendemos que el hacer en bici una de las rutas más bonitas de los Picos de Europa, la del Cares, es muy atractivo, pero tiene que imponerse la sensatez: no es lo más apropiado para un camino estrecho y aereo recorrido por cientos de senderistas (la foto es de un domingo), poniendo en peligro a caminantes y a los propios ciclistas. Aquí nos gusta la libertad y lejos está la intención de decir a nadie lo que tiene que hacer, solo queremos que la gente piense un poco en los demás, en el respeto. En los Picos entramos todos y hay otras sendas para disfrutar de ellos sobre dos ruedas sin peligro ninguno.

Un cientu estremadures

N´Ast: Güei, un xuegu, guetar les estremadures ente les dos semeyes. P´ayudar, damos dos: el tiempu, abondu tiempu, y l´inxeñu, abondu, pero qu´abondu inxeñu.
En Cast: Hoy, un juego, buscar las diferencias entre las dos fotografías. Para ayudar, damos dos: el tiempo, mucho tiempo, y el ingenio, mucho, pero que mucho ingenio

Tradiciones y places

N´Ast: Los nuesos pueblos y aldees son guardianes de les “tradiciones”... de toa triba de tradiciones: qu´una llei retira nomes del pasáu, pues siempres hai dalgún que-y paez meyor alcordase d´ellos, camudando´l nome de la placina averada a la so casa. Les semeyes amuesen que nun bilordiamos.
En Cast: Nuestros pueblos y aldeas son guardianes de las “tradiciones”... de toda clase de tradiciones: que una ley retira los nombres del pasado, pues siempre hay alguno al que le parece mejor acordarse de ellos, cambiando el nombre de la plazoleta cerca de su casa. Las fotografías muestran que no mentimos.

Arcedianos y caminos

N´Ast: Taremos toos d´alcuerdu en que la Senda l´Arcedianu ye una de les más guapes que podemos percorrer, pero vamos fixanos nuna estaya la mesma: la que pasa per enriba´l tunel de Verrunde, en Sayambre. Equí, lo arispio del terrén obligó a un puxu pergrande pa vencer la recia cuarcita, non solo escudrando piedres pa facer muries, de más de diez metros d´altor en dellos sitios, si non tamién tallando la mesma peñe pa pasar el camín, un llabor allanáu pol inxeñu: arregallando la roca caldiándola primero con fogueres pa echa-y agua fría dempués, facilitando asina´l posterior usu del picu a mano. Una fechura tan costosa, en sudu y perres, necesitó una bona financiación, qu´aportó nel sieglu XVII gracies a Pedro Díaz d´Oseya, ñatural d´esti pueblu y Arcedianu de Villaviciosa, cargu eclesiásticu asociáu al cabildu de la catedral de San Salvador d´Uviéu, qu´alministraba la diócesis xebrándola n´arcedianatos (ocho dende´l sieglu XIII). Los puestos de mandón d´una d´estes fasteres yeren mui petecibles polos pergrandes ingresos arreyaos a les rentes de les mesmes. Aforro´l comentariu sobre asemeyances con personaxes actuales.
En Cast: Estaremos todos de acuerdo en que la Senda del Arcediano es una de las más bonitas que podemos recorrer, pero vamos a fijarnos en una parte de la misma: la que pasa por encima del tunel de Verrunde, en Sajambre. Aquí, lo agreste del terreno obligó a un esfuerzo suplementario para vencer la dura cuarcita, no solo escuadrando piedras para construir muros, de más de diez metros de altura en algunos sitios, si no también tallando la misma peña para pasar el camino, una labor allanada por el ingenio: agrietando la roca calentándola primero con hogueras para echarle después agua fría, facilitando así el posterior empleo del pico a mano. Una obra tan costosa, en sudor y dinero, necesitó una buena financiación, que llegó en el siglo XVII gracias a Pedro Díaz de Oseja, natural de este pueblo y Arcediano de Villaviciosa, cargo eclesiástico asociado al cabildo de la catedral de San Salvador d´Uviéu/Oviedo, que administraba la diócesis dividiéndola en arcedianatos (ocho desde el siglo XIII). Los puestos de mandamás de una de estas demarcaciones eran muy apetecibles por los grandes ingresos asociados a las rentas de las mismas. Ahorro el comentario sobre semejanzas con personajes actuales.